ماٹی قدم کریندی یار




ماٹی قدم کریندی یار
ماٹی جوڑا، ماٹی گھوڑا
ماٹی دا اسوار
ماٹی ماٹی نوں دوڑائے
مائی دا کھڑ کار
ماٹی قدم کریندی یار

ماٹی ماتی نوں مارن لگی
ماٹی دے ہتھیار
جس ماٹی پر بہتی ماٹی
تس ماٹی ہنکار
ماٹی قدم کریندی یار

ماٹی باغ ، بغیچہ ماتی
ماٹی دی لگزار
ماٹی ماٹی نوں ویکھن آئی
ماٹی دی اے بہار
ماٹی قدم کریندی یار

ہس کھیڈ مڑ مائی ہوئی
ماٹی پاؤں پسار
بلھا ایہہ بوجھارت بوجھیں
لاہ سروں، بھوئیں مار
ماٹی قدم کریندی یار
بلھے شاہ




اپنا تبصرہ بھیجیں