اک نقطے وچ گل مکدی اے




اک نقطے وچ گل مکدی اے
پھر نکتہ چھوڑ حساباں نوں
کر دور کفر دیاں باباں نوں
لاہ دوزخ گور عذاباں نوں
کر صاف دلے دیا خواباں نوں
گل ایسے گھر وچ ڈھکدی اے
اک نقطے وچ گل مکدی اے

انویں متھا زمیں گھسائی دا
لماں پا محراب دکھائی دا
پڑھ کلمہ لوک ہسائی دا
دل اندر سمجھ نہ لیائی دا
کدی بات سچی بی لکدی اے
اک نقطے وچ گل مکدی اے

اک جنگل بحریں جاندے نی
اک دانہ روزے کھاندے نی
بے سمجھ وجود تھکاندے نی
گھر ہوون ہو کے ماندے نی
اینویں چلیاں وچ جند مکدی اے
اک نکتے وچ گل مکدی اے

پھڑ مرشد عبد خدائی ہو
وچ مستی بے پرواہی ہو
بے خواہش بے نوائی ہو
وچ دل دے کوب صفائی ہو
بلھا بات سچی کد رکدی اے
اک نکتے وچ گل مکدی اے
بلھے شاہ ؔ




اپنا تبصرہ بھیجیں